Ua Neej Nrog Vajlugkub: 14/11/2019

Ua Neej Nrog Vajlugkub: 14/11/2019

Yauhas 5:40-47
Ua Poob TxojSia: Vim Nrhiav Kom Ib Leeg Qhuas Ib Leeg

“Nej ib leeg nyiam ua rau ib leej qhuas, tiamsis nej tsis muaj ib tug nyiam ua rau Vajtswv qhuas; yog li ntawd, nej yuav ua li cas ntseeg kuv tej lus” ( nqe 44 ).

Nqe lus nug xav: Tswv Yexus hais txog yam thib ob uas ua rau cov neeg Yudais ua poob txojsia yog dab tsi (nqe 43,44 )? “Nej ib leeg ua rau ib leeg qhuas” yog txhais li cas? Nuj nqis txais tau yog dabtsi? Koj puas tseem pom tus duab “ Nej ib leeg ua rau ib leeg qhuas” nyob hauv koj pawg ntseeg?

Nyob hauv Tus Tswv zaj lus qhia rau cov neeg Yudas, Tswv Yexus hais txog yam thib ib uas ua rau lawv tsis xav los cuag Vajtswv kom tau txais txojsia yog vim lawv tsis hlub Vajtswv. Nyob hauv nqe 43,44 Vajtswv hais txog yam thib ob uas ua rau lawv ua poob txojsia twb yog vim lawv rau siab nrhiav kom ib leeg qhuas ib leeg.

Tswv Yexus tuav Vaj Leej Txiv lub npe los, yog lub npe uas muaj hwj chim, qhov tseeb thiab txaus ntseeg tiamsis cov neeg Yudas tsis txais yuav Nws. Tus Tswv kho zoo ib tug neeg muaj mob pw tau peb caug yim lub xyoo rau hnub Xanpataus es lawv txawm nrhiav kev tua Nws. Nws qhia txog txoj kev cawmdim thiab kev txiav txim ces lawv tsis txaus siab, tiamsis lawv lees paub cov neeg uas tuav lwm lub npe uas tuaj rau hauv lawv. Lawv saib taus tib neeg, ib leeg saib taus ib lees tiamsis tsis lees paub Vajtswv (nqe 43). Dua li ntawd, Vajtswv hais lawv “Nej ib leeg ua rau ib leeg qhuas” lub ntsiab yog lawv tsuas xav qhuas lawv, khav theeb, qhuas, tshawb nqa thiab sib tos lub koob lub pe los ntawm lwm tus tiamsis ho tsis tshawb nrhiav lub koob lub npe uas los ntawm Vajtswv tib leeg. Vajtswv txojlus hais ntxiv hais tias: (nej yuav ua li cas ntseeg kuv tej lus) (nqe 44).

Tus uas xav txhawb nqa tib neeg ces Vajtswv qhov kaj yuav raug thaiv ntis dhau ntawm lawv. Tus uas tsuas xav kom lwm tus qhuas, lwm tus txhawb nqa yus ces lawv tsis ntsib pom qhov kaj uas los ntawm tus Tswv uas yog qhov tseeb. Tus tsis nrhiav qhov kaj uas los ntawm Vajtswv tib leeg ces ua cas yuav tau txais txojsia los ntawm tus uas muaj qhov kaj pub rau. Pab khuv xim, hauv Vajtswv Pawg Ntseeg niaj hnub nimno, ntau thiab tsawg los kuj tseem muaj tus duab uas “Nej ib leeg ua rau ib leeg qhuas” thaum ntau tus ua tau yam ub yam no ces yuav kom lwm tus saib taus yus. Ntau tus rov tsaws siab rau yus tus kheej los ntawm qhov uas cais tawm yus lub neej, los ntawm tej lus thiab xaiv ntsej muag hais lus. Ntau tus tsis nco qab Tswv Yexus tej lus qhia ua thawjcoj vim lawv siv hwjchim los mus yuam pejxeem (Malakaus 10: 42-44). Ntau tus xav kom lwm tus yuav tsum teev tiam, txhos caug ntawm nws xwb tsis lees qhov uas yus tu lwm tus los ntawm Tswv Yexus tus qauv (Malakaus 10: 45). Ceevfaj thaum uas kub siab lug nrhiav lub koob lub npe los ntawm lwm tus ces yuav rov pom zoo, txaus siab, tsis pom txojkev qaug zog ntawm yus, yog li ntawd txawm tias nyob hauv tuamtsev, hauv tes haujlwm tsis yog cuag Vajtswv kom tau txojsia (nqe 40).

Koj yuav tsum tau ua lub neej li cas kom txhua yam ua zoo kawg nkaus puav leej yog Vajtswv tug? Koj pom yus tseem seem tej yam twg li?

Tus Tswv, thov zam lub txim rau menyuam vim menyuam tseem xav nrhiav lub koob lub npe los ntawm lwm tus, thov pab kom menyaum ntsia tuaj rau saum Vajtswv koj kom pom qhov kaj ua yog Vajtswv koj li los thawb nqa, qhuas thiab tas siab nrhiav koj.

Nyeem Vajluskub hauvpeb lub xyoo: Paj Lus 15.

Xin vui lòng chuyển bài học Kinh Thánh để nhiều người cùng học.

Bài học Kinh Thánh này do Văn Phẩm Nguồn Sống biên soạn. Xin cầu nguyện và dâng hiến ủng hộ Văn Phẩm Nguồn Sống để đem Lời Chúa cho tất cả những người Việt thuộc mọi dân tộc đang sống rải rác khắp nơi trên thế giới.
Bạn có thể ủng hộ Văn Phẩm Nguồn Sống tại https://www.vpns.org

Thư Viện Tin Lành
www.thuvientinlanh.org